Irungo Garraio Gunearen eta Gipuzkoako Garraio Zentroaren sustatzailea denez, ZAISAk eginkizun hirukoitza du:

1. Garraio Gunea sustatzea

   • Lurrak erostea.
   • Proiektuak idaztea eta diseinatzea.
   • Biltegiratzeko eta bulegoetarako pabiloiak eraikitzea.
   • Bezeroak erakartzea eta saltzaile-lanak egitea salmenta- edota alokairu-erregimenean Garraio Gunea ustiatzeko asmoz.

2. Garraio Gunea kudeatzea

   • Bertan dauden enpresei eskainitako zerbitzuak kalitatezkoak direla ziurtatzea.
   • ZAISAn jar daitezkeen beste zerbitzu batzuk erakartzea, topatzea eta sustatzea, edota zerbitzu horiek ZAISAn bertako enpresei eskaintzea.

3. Bertako enpresak sustatzea

   • ZAISAN kokatutako enpresen ordezkaritzako katalogoak argitaratzea.
   • Europako foro eta azoka logistikoetan parte hartzea (Akitania-Euskadi Plataforma Logistikarekin lankidetzan; foro eta azoka horietan, bertako enpresek zamaketariei eta industrialei eskaintzen dizkieten zerbitzuak aurkeztuko ditu ZAISAk, bere proiektuaz gain).
   • Webgune korporatiboa, ZAISA gunean kokatutako enpresen datu-basearekin.

Eginkizun horiek betetzeko, kudeaketarako funtsezko honako irizpide hauetan oinarritzen da ZAISA:

• Antolaketa-egitura erraza.
• Kudeaketa ekonomiko eraginkorra.
• Teknikari-taldea: Lanean hasi zenetik, ZAISAk arkitektura, ingeniaritza eta zuzenbideko espezialistez osatutako teknikari-talde bikain bat du. Halaber, ZAISAk bere erabiltzaileei egiten dien zerbitzuen eskaintza orokorraren zati bat da teknikari-talde hori.
• Gizarte-helburuak: ZAISAk, bere ekintzekin, jarduera garatzeko azpiegitura egokiak logistika eta garraioaren esku jarri nahi ditu. Horretarako, eskaintza pribatuarekiko prezio lehiakorrak jarriko ditu, irabazirik lortzeko asmorik gabe (aipatutako errentagarritasunaren printzipioarekin bateraezina ez dena). Horrekin batera, enpresa hauek lehenetsiko ditu: ZAISAn kokatutako enpresa; gure eskualdearekin lotura dutenak; eta, azkenik, enpleguaren egonkortasunaren eta kalitatearen printzipioetan oinarrituta, gure ingurunean eragin ekonomikoa eta soziala dutenak.